Disa video të publikuara tregojnë një bunker të fortifikuar të kartelit të drogës, i cili u gjet nga policët në Meksikë pas një beteje të përgjakshme me armë – pas së cilës supozohet se grupet rivale i kishin vënë edhe zjarrin.
Sipas medieve të huaja, oficerët e Mbrojtjes Kombëtare ishin duke patrulluar zonën e Reynosa në shtetin verior meksikan të Tamaulipas kur gjetën bunkerin.
Në video shihet policia duke zbritur në një shteg të largët dhe më pas i afrohet një ndërtese të varrosur pjesërisht, e nxirë me blozë.
Oficerët, të veshur me kamuflazh dhe të armatosur rëndë, hyjnë me kujdes në bunker dhe hasen në një makinë të djegur e bërë vrima-vrima.
Elementos de la @SEDENAmx durante reconocimientos realizados el 12/02/2020 localizaron un búnker con aprox 70 Mts. Longitud por 6 Mts. De ancho y 2.5 Mts. De altura a inmediaciones de la col. Vista Hermosa del mpio de Reynosa, Tamps.
Vídeo 1 pic.twitter.com/j2B9qcFrfc
— La Voz Del Pueblo (Oficial) (@LPueblo2) February 16, 2020
Siç bëhet e ditur, asnjë gjurmë njerëzore nuk është gjetur deri më tani përkundër dhunës së dukshme që ka ndodhur.
Objekti i dyshuar kriminal thuhet se u sigurua nga një derë çeliku dhe është i gjatë 70 metra, gjerësi 6 metra, si dhe lartësi 2.5 metra – dhe kishte një pus uji dhe një rezervë masive municioni, sipas mediave lokale.
Si rezultat, zona rurale tani është qendra e një hetimi pasi policia përpiqet të bashkojë copëzat e asaj që ka ndodhur, ndërsa automjeti i djegur është marrë nga autoritetet për analiza, sipas mediave lokale.
Ndërkohë, policët do të ruajnë objektin ndërsa hetimi vazhdon. Mediat thonë se hapësirat në afërsi kontrollohen nga organizatat kriminale me “Gulf Cartel” që konsiderohen më të spikatur në rajon.
Karteli gjithashtu është i famshëm për kontrabandën e drogës, si dhe terrorizimin e njerëzve përmes rrëmbimeve dhe zhvatjes, trafikimit të qenieve njerëzore, vjedhjeve, kontrabandës së armëve dhe prostitucionit. Aktualisht është e paqartë nëse bunkeri i përkiste “Gulf Cartel”, i cili është në luftë me “Kartelin e Gjeneratës së Re Jalisco” dhe “Cartel del Noreste”.
