E pabesueshme se si është jeta… Ajo të çon lart, pastaj poshtë, pastaj sërish mund të ngrihesh nëse beson te aftësitë e tua, nëse quhesh Christian Eriksen dhe Zoti të ka dhënë një mundësi të dytë…
Sepse përpara 9 muajsh jeta e tij u ndal dhe zemra gjithashtu, për të paktën 5 minuta kur në Parken të Kopenhagenit do të frikësonte të gjithë shikuesit dhe pasi u zhduk nga kjo botë momentalisht…
Me defibrilator u rikthye në jetë dhe u mendua se futbolli për të kishte mbaruar atë ditë ashtu si karriera. Interi prishi kontratën pasi në Itali nuk lejohej sipas rregullores të vazhdonte aktivitetin me defibrilator nën lëkurë, por në Angli Brentford besoi te ai.
Dhe kështu, me optimizmin e rigjetur, Eriksen u rikthyer të shënonte edhe me Danimarkën e tij dy herë në dy miqësore, por sot ka ardhur një gol që ka vlerë të madhe…
Në Stamford Bridge, ndaj Chelsea, ai vrapon 50 metra thuajse duke u nisur nga mesi i fushës dhe pret një top në zonë që vjen asist nga shoku i tij duke mposhtur Mendy.
Një përmbysje e pabesueshme e Brentford që ishte duke humbur 1-0 me golin e Rudiger por brenda pak minutash gjen tre gola, mes tyre edhe atë të Eriksen.
