Një krim në familje është parandaluar nga policia mëngjesin e sotëm. Një 45-vjeçar i identifikuar si E.Ll u vu në pranga pasi u kap duke ushtruar dhunë ndaj bashkëshortes së tij, si dhe kishte armë zjarri, duke rrezikuar kështu jetën e bashkëshortes së tij.
Ngjarja u regjistrua në lagjen Nr.18 në Durrës, ndërsa mësohet se u sekuestruan 1 armë zjarri kallashnikov, një sasi municioni luftarak dhe 1 thikë.
Materialet hetimore i kaluan Prokurorisë pranë Gjykatës së Rrethit Gjyqësor Durrës për veprat penale: “Dhuna në familje”, “Mbajtja pa leje dhe prodhimi i armëve , armëve shpërthyese dhe i municionit” dhe “Prodhimi, mbajtja , blerja apo shitja pa leje e armeve te ftohta”.
