Deputeti Spartak Braho iu përgjigj sot kreut të shtetit, Ilir Meta për deklaratën mbi grushtin e shtetit
Vetëm dy ditë më parë Meta është shprehur se do të ndalojë dhe shpartallojë përpjekjen e mazhorancës për grusht shteti, duke i dhënë përgjigjen më shembullore që meriton.
Braho, e cilësoi si qesharake deklaratën e Metës dhe opozitës.
“Çuditem me alarmin e opozitës dhe kreut të shtetit se po bën grusht shteti Edi Rama. Si mund të bëjë grusht shteti Edi Rama, opozita i organizon grushtet e shtetit. Pse do të bëjë grusht shteti shumica për të marrë pushtetin? Atë e ka. Është jo vetëm qesharake, por edhe një lloj justifikimi. Unë jam deputet i vjetër, kur Sali Berisha ka tentuar grusht shteti.
Nuk e bën grushtin e shtetit ai që është në pushtet. Grusht shteti, do të thotë të marrësh pushtetin me dhunë, por si mund ti bjerë shumica pushtetit të saj. Kaq e thjeshtë është logjika. Unë kam një merak, duhet kujdes për procedurat e aplikimit, duhet të jenë serioze dhe të goditura. Kam biseduar me ministrin për një rast flagrant, kjo është porosia ime” tha ai.
