Nën masa të shtuara sigurie, 5 të arrestuarit për plagosjen me armë zjarri ndaj Joan Mucllarit dolën sot para gjykatës në Pogradec, ku u njohën me masën e sigurisë.
Fatjon Bono, Kristian Kresto, ,Hekuran Gjona, Ledion Shkullaku dhe Rudi Shaho, që akuzohen për përkrahje të autorit pas krimit, moskallëzim krimi dhe veprime që pengojnë zbulimin e të vërtetës, u lanë nën masën e arrestit me burg.
Nga provat e grumbulluara rezulton se këta shtetas, në bashkëpunim me njëri-tjetrin, me automjete dhe me veprime aktive, dyshohet se kanë ndihmuar autorët e dyshuar të ngjarjes, që të largohen nga vendngjarja.
Policia sekuestroi mjetin tip “Volkswagen Golf”, në përdorim të Fatjon Bonos, i cili është përdorur në ngjarje, si edhe automjetet tip “Benz” dhe “BMW X5”, me të cilët janë ndihmuar për t’u larguar nga vendi i ngjarjes.
Dy autorët e ngjarjes, Firdeus Berberi dhe Griseld Maxhari janë shpallur në kërkim për veprat penale “Vrasja me dashje”, kryer në bashkëpunim, mbetur në tentativë, “Mbajtja pa leje dhe prodhimi i armëve, armëve shpërthyese dhe i municionit” dhe “Prishja e qetësisë publike”.
Si ndodhi ngjarja?
Ngjarja ndodhi pasditen e 25 prillit në lagjen “Voloreka”, në afërsi të hotel ‘Kalaja’.
Joan Mucllari, është djali i pronarit të hotel ‘Voloreka’ në Pogradec ku dy vite më parë u qëllua me armë zjarri.
Konflikti i djeshëm dyshohet të ketë lidhje me atentatin e dy viteve më parë, ku u qëllua me armë zjarri në drejtim të hotelit me pushues, e ku fatmirësisht nuk pati persona të lënduar. Policia ka dyshohet se një prej autorëve të ngjarjes së ditës së djeshme, të jetë i njëjti me atë të dy viteve më parë.
