Seria A ka pasur gjithmonë numër më të lartë të lojtarëve me origjinë shqiptare sesa kampionatet e shteteve të tjera Europiane.
Etrit Berisha ka qenë gjithmonë një nga figurat më të lakuara, ndonëse kishte disa kohë që nuk ndodhej në formën e tij më të mirë. Portieri shqiptar i SPAL i është rikthyer tashmë statistikave të mira, duke ndikuar në rezultatet e skuadrës së tij, si dhe rezulton të jetë portieri me numrin më të madh të pritjeve, plot 120 raportojnë mediat italiane.
Berat Gjimshiti është vlerësuar si lojtari me numrin më të madh të topave të rikuperuar në Itali. Mbrojtësi i Atalantës, dhuroi edhe një asist që ndikoi në rezultatin e klubit të tij.
Ndërkohë, shqiptari tjetër, Thomas Strakosha, në lojën e Lacios ndaj Interit, është vendosur mes portierëve me “top pritjet”.
Në fund nuk mund të lihet pa u përmendur fenomeni Marash Kumbulla. Mbrojtësi 19-vjeçar i Veronas ka tërhequr vëmendjen e çdo skuadre këtë sezon me rezultatet e shkëlqyera që ka arrirë.
Ky vit mund të cilësohet pa frikë si viti i shqiptarëve në Serinë A./Fjala.al/
