Brahim Shima, gazetar e kryeredaktor lajmesh, duke komentuar thirrjen e Presidentit për tubimin e 2 marsit, tha se beteja nisi për Gjykatën Kushtetuese. Sipas tij, kreu i shtetit nuk u ka kërkuar partive politike të bëhen pjesë e kësaj beteje.
“Meta nuk lufton për një post politik, për të fituar zgjedhjet. Debati ka nisur për Gjykatën Kushtetuese, nuk ka nisur për revolucion. Beteja është; a do kemi kushtetuese të balancuar apo do rijmë në heshtje.
Edhe vetë Presidenti Meta nuk ka kërkuar nga partitë politike të bëhen pjesë e betejës. Thirrja e Presidentit ka qenë për popullin, nuk ka qenë që një parti të marrë flamurin e të dali.
Forca që do të jetë në shesh do tregojë se sa ka të drejtë Meta apo opozita për këtë çështje. Dua të kujtoj dhe mesazhin e ambasadores së SHBA, që thoshte se duhet të tregohet pjekuri dhe po ju monitorojmë. Për negociatat, një nga kushtet është stabiliteti politik.
Një nga palët duhet të tërhiqet. Nëse ato vazhdojnë me kokëfortësi, atëherë vazhdojmë kot”, tha gazetari Brahim Shima në emisionin “Arena”.
