Të huajt që vijnë për të vizituar Shqipërinë shpenzojnë mesatarisht 52 euro në ditë. Në këtë vlerë përfshihet akomodimi dhe ushqimi. Shqipërinë e preferojnë më shumë qytetarët e Republikës së Kosovës, të cilët janë vizitorët më besnik të vendit tonë që prej rrëzimit së diktaturës.
Të huajt që vijnë në vendin tonë qëndrojnë mesatarisht 4. 3 ditë. Të dhënat janë bërë të ditura nga Instituti i Statistikave i cili ka analizuar të dhënat për vitin 2018. Ndërkohë 76 % vizitorëve akomodohen në hotele, ndërsa pjesa tjetër ose marrin shpi disa ditë me qira ose qëndrojnë të të afërmit e tyre.
Pjesa më e madhe e vizitorëve që vijnë në vendin tonë udhëtojnë me mjetet e tyre. Sipas të dhënave të Instituti i Statistikave 81 % e të huajve vijnë në vendin tonë më makinë private.
