test

Mal me plehra buzë rrugës së Orikumit, era e keqe bën gati të pamundur kalimin…

113 563 lexime

124,178FansaPëlqeje

Kush do të zgjedhë të frekuentojë plazhet e bukura të jugut të Shqipërisë këtë vit, do të duhet të përballet me pamje skandaloze në kryqëzimin e Orikumit me bypasin e Vlorës, nyjen kyçe të rrugës që të çon në jug.
Blendi Fevziu: Ky është kryqëzimi i Orikumit me bypassin e Vlorës, një prej kryqëzimeve më të rëndësishme rrugore të Shqipërisë dhe një prej zonave më të rëndësishme turistike te vendit, ku pjesa më e madhe e turistëve që shkojnë drejt jugut kalojnë në atë rrethrrotullim, por buzë rrugës. Me qindra metra katrorë janë të mbushura me plehra, me një erë të frikshme ku duhet të mbash hundën me dorë, plehra të papërpunuara, ku mund të gjesh dhe kafshë të ngordhura, përveç inerteve dhe mbetjeve të tjera urbane.

Ky pirg me plehra është krijuar nga mbetjet urbane që hedh Njësia Vendore e Orikumit. Është ajo çfarë do të shohin turistët pak kilometra përpara ujërave blu e turkezë që bënë xhiron e botës në mediat më prestigjioze ndërkombëtare. Mbetjet këtu hidhen prej shumë kohësh dhe askush nuk mban përgjegjësi.

Blendi Fevziu: Është një situatë skandaloze, e papranueshme që në një nga zonat më turistike të vendit, jo vetëm kjo fushë, por edhe fusha përballë, të jenë të mbushura me mbetje të tilla, të mos kenë asnjë dorë pastrimi, asnjë përgjegjës. Kjo situatë është e papranueshme për çdo cep të globit, edhe më të pazhvilluarat dhe është jashtë çdo standardi për Shqipërinë që kërkon të krijojë çdo strukturë të mirëfilltë turistike.

Kjo njollë e zezë është dëmi më i madh që po u bëhet përpjekjeve për të thithur sa më shumë turistë dhe për të pasur një turizëm elitar.

Lexo edhe :  PD kthehet te i zoti/ Çupi: Berisha të pranojë që gjykata është e drejtë dhe e pavarur

Blendi Fevziu: Unë nuk e kuptoj sesi mund të bëjmë thirrje për të pasur turizëm në kushte e rrethana të tilla, ku buzë rrugës çdo turist, e para duhet të ndalojë të kapë hundën me dorë dhe e dyta do tmerrohet kur të shohë mbetje të këtij lloji.

Derisa autoritetet të ndërhyjnë, këto pamje skandaloze mund të bëjnë xhiron e botës dhe të minojnë gjithçka po bëhet që këtë vit Shqipëria të kalojë shifrën e 10 milionë turistëve./O.S

 

 

 

Të fundit

10% më të lartë se mesatarja, ja kush është shteti me refuzimin më të lartë të vizave

Sipas një studimi të Henley & Partners, Afrika përballet me normat më të larta të refuzimit të vizave për...

Samiti i Paqes për Ukrainën, Spiropali takohet në Zvicër me zv.Presidenten e SHBA-ve

Ministrja e Shtetit për Marrëdhëniet me Parlamentin, Elisa Spiropali është takuar me Zv.Presidenten e Shteteve të Bashkuara të Amerikës, Kamala Harris. Takimi është zhvilluar në...

Trump me deklarata të forta ndaj Zelenskyt: Shitësi më i madh në histori

Presidenti ukrainas Volodymyr Zelensky është "shitësi më i madh në histori. Sa herë që vjen në këtë vend ai largohet me 60 miliardë dollarë....

Udhëheqësit botërorë në Samitin e Paqes për Ukrainën që mbahet në Zvicër, ç’do ndodhë?

Udhëheqësit botërorë në samitin e paqes në Ukrainë që po mbahet në Zvicër, pritet të miratojnë një deklaratë që riafirmon integritetin territorial të Kievit. Më...

Sot Kurban Bajrami, Kryetarja e Kuvendit uron besimtarët: Sakrificën në emër të besimit

Kryetarja e parlamentit të Shqipërisë Lindita Nikolla ka uruar besimtarët myslimanë për festën e Kurban Bajramit. Nikolla shprehet ndër të tjera që sakrificën në emër...

Lajme të tjera

Web TV