Finalja e madhe e Champions League mes Liverpool dhe Real Madrid u shty ditën e sotme me 36 minuta. Kjo për shkak të disa incidenteve në dyert e Stade de France kur tifozët hynin.
Shumë prej tifozëve të Liverpool kanë çarë kordonin e sigurisë duke u futur pa biletë në stadium, dhe për këtë UEFA-s i është dashur fillimisht të njoftojë se ndeshja do të nisë në 21:15 e më pas dha një njoftim të dytë se do të startojë në 21:36.
Në pamjet e mëposhtme duket se si tifozët e Liverpool kërkojnë të futen nga muret e stadiumit për të parë finalen e madhe që luhet në Paris.
Megjithatë siguria ka vënë rregullin në stadium dhe më pas i dha dritën jeshile performancës hyrëse të këngëtares Camila Cabello.
Pasi kjo e fundit këndoi këngët hit të saj, arbitri i ra bilbilit për të sinjalizuar fillimin e ndeshjes.
