17-vjeçari Florian Përvathi, i cili vrau Lek Lekgjonajn në 24 janar 2022 për të marrë hakun e babait, Gjonit, ka folur sot për herë të parë.
Ndue Lekgjonaj, vëllai i Lekës, i mori jetën babait të tij në vitin 2009. Atë ditë nëna e Florit piu fotoksinë duke i dhënë fund jetës dhe djali mbeti jetim që në moshën 4-vjeçare.
Pasi mbeti i vetëm dhe pa praninë e prindërve, i riu nga Lezha u rrit idenë për të çuar nderin në vend dhe për t’i marrë gjakun babait.
Ai gjeti momentin në janarin e këtij vitit, duke vrarë Lek Lekgjonajn. Ai tregoi në “Shqipëria Live” se ndodhet në institucionin e të miturve në Kavajë dhe se merret me aktivititete të ndryshme, kryesisht duke u marrë me pikturë.
17-vjeçari shprehu pendesë për krimin e kryer, duke thënë se ka gabuar dhe se ka dëshirë të vazhdojë shkollën e pikturën.
“Një ditë e imja këtu është e qetë. Merrem me aktivitete të ndryshme. Pikturoj shumë, më pëlqen piktura. Kur mërzitem futem në dhomë e pikturoj. Pikturat e mia dua t’i ekspozoj, por dhe t’i dhuroj për bamirësi.
“ Më shumë se gjithçka më mungon liria. Unë jam brenda, ndërsa miqtë e mi janë jashtë. Koha nuk kthehet, nuk kam se çfarë bëj. Kur kam ardhur këtu e kam kuptuar se kam gabuar.
“Unë nuk kam pasur kurrë një psikolog afër që të më udhëzojë dhe të më mbajë në rrugë të drejtë. Për herë të parë u njoha me psikologun e punonjësin social në burg, kur nuk më duhet më.
“Nuk jam rritur me idenë e gjakmarrjes. Nuk më ka nxitur familja, por e kam bërë vetë. Ishte një moment që më shkatërroi gjithçka. Leka më provokonte vazhdimisht, prandaj nuk e durova më dhe ndërmora aktin final. Nëse nuk do më provokonte nuk do isha këtu sot
“Kam gabuar dhe jam penduar, i shpreh ngushëllime familjes së Lekës. Unë do të vazhdoj shkollën dhe pikturën. Shpresoj që kur të dal të bëj shkollën dhe të hap ekspozita”, tha Florian Përvathi.
