“Janë dëgjuar shpërthime”/ Prania e municioneve në ishullin e Sazanit, shtohet frika

113 563 lexime

124,178FansaPëlqeje

Prej tre ditësh vijon zjarri në ishullin e Sazanit. Gazetari Enrik Mehmetaj raporton për News24 dhe BalkanWeb, se zjarri po përhapet me shpejtësi, për shkak se favorizohet edhe nga era, ndërsa deri më tani janë rreth 7 forca zjarrfikëse që po punojnë.

Ndërkohë një rrezik shqetësues është mundësia e shpërthimit të municioneve ushtarake që janë depozituar në këtë ishull prej kohës së Komunizmit.

Gazetari raporton se është përfolur se janë dëgjuar edhe disa shpërthime, por ende nuk dihet saktësisht.

Sakaq, kërkohet ndërhyrje nga ajri për shuarjen e flakëve, pasi është e pamundur ndërhyrja nga uji, për shkak të  mungesës së mjeteve.

Deri më tani në flakë është përfshirë e gjithë pjesa jugore e ishullit.

 

 

“Në ishullin e Sazanit po vijon zjarri, i cili ka përfshirë pjesën lindore, ndërsa vijon me ritme të shpejta.

Është hera e parë që një zjarr i këtyre masave të rrezikojë ishullin, ndërsa rrezikon që të shpërthejnë municionet luftarake që ndodhen aty.

Ende nuk është përcaktuar saktë sipërfaqja që po digjet, por është e gjithë pjesa e djathë e ishullit, ku ndodhet dhe porti.

Janë të paktën rreth 70 forca që po punojnë intensisvisht për të shuar zjarrin, por duket se është e nevojshme ndërhyrja nga ajri sepse përhapja po bëhet në mënyrë të shpejtë, e favorizuar nga era, dhe fakti që nuk ndërhyn dot asnjë mjet tjetër.

Rrezikshmëri të madhe për shpërthimin e municioneve luftarake, pasi i gjithë ishulli i Sazanit ka predha dhe municione.

Kjo do të thotë që në gjithë ishullin ka municione, është përfolur se janë dëgjuar shpërthime, por urojmë mos të ketë dëmtim dhe të forcave zjarrfikëse që po punojnë”, tha Mehmetaj.

Të fundit

Foto e jetës

Nga Namir Lapardhaja E gjithë përpjekja 3-vjeçare e Berishës, është për të mbërritur te kjo foto. Ai në krah të...

Al Nassr siguron një super blerje, sulmuesi 21-vjeçar zgjedh Arabinë Saudite

Klubet e mëdha në Europë ndoshta duhet të shqetësohen, pasi një prej sulmuesve më premtues në qarkullim, do i bashkohet se shpejti kampionatit të...

Kanalizimet problematike përmbytin 300 banesa në Durrës, banorët: Situata e përsëritur

Mbi 300 banesa u përmbytën në Durrës pas një rrebeshi shiu, për shkak të mosfunksionimit të sistemit të kanalizimeve dhe pusetave. Banorët ankohen se...

Njihuni me shtetin e vetëm në botë që ndryshon flamurin në rast lufte

Filipinet janë një shtet me një veçori që i dallon nga vendet e tjera të botës, dhe kjo veçori nuk ka të bëjë me...

Pasuria marramendëse e gruas së Eldi Dizdarit/ 9 prona në Dubai me vlerë 17.8 milion euro

"Antwerp, Dubai", shërbimet e Policisë në Shqipëri, Itali, Holandë dhe Belgjikë kanë pikasur këto dy vende si pikat kryesore ku operon kompania "Bello", e cila...

Lajme të tjera

Web TV