Dy fëmijë janë përplasur nga një automjet. Ngjarja ka ndodhur mbrëmjen e sotme, në Tepelenë, ku një shofer me “Toyota” përplasi fëmijët, të cilët u transportuan në spital dhe ndodhen jashtë rrezikut për jetën.
Sipas policisë, drejtuesi i automjetit u shoqërua në ambientet e Komisariatit të Tepelenës për të kryer procedurat e mëtejshme.
Tepelenë/Informacion paraprak
Rreth orës 20:15, në rrugën “Bilbilenjtë”, në lagjen “Mustafa Matohiti”, Tepelenë, shtetasi A. B., banues në Tepelenë, duke drejtuar automjetin tip “Toyota”, ka përplasur 2 fëmijë, të cilët u transportuan në spital, për të marrë ndihmën mjekësore dhe ndodhen jashtë rrezikut për jetën.
Drejtuesi i automjetit u shoqërua në ambientet e Komisariatit të Policisë Tepelenë për të kryer procedurat e mëtejshme.
Në vendngjarje ndodhet grupi hetimor dhe po punon për zbardhjen e shkaqeve të aksidentit.
