Duke e ditur se po udhëtonin me mjet të grabitur, tre të rinj nuk iu bindën urdhrit të policisë për të ndaluar! Atëherë është lajmëruar një tjetër postbllok policor për të kryer ndalimin në dalje të Fushë-Krujës. Por personat e kanë braktisur mjetin duke e lënë në rrugë por duke qenë shumë afër me postbllokun që po i priste.
Policia është vënë në ndjekje të tyre dhe kanë mundur të kapin vetëm 2 nga tre personat e konstatuar. Atëherë është verifikuar se makina ishte e grabitur rreth 8 muaj më parë dhe se personat që gjendeshin në atë mjet nuk e kishin vetëm makinën e parë të grabitur prej tyre. Policia pretendon se ka zbuluar një grup kriminal që ka kryer të paktën edhe dy grabitje të tjera makinash të kushtueshme. Sipas të dhënave të arrestuar janë dy djem, njëri 28 vjeç nga Tirana dhe tjetri 24 vjeç nga Mamurrasi, përkatësisht A.G dhe K.Z!
Sipas të dhënave të policisë u shpall në kërkim dhe po punohet për kapjen e shtetasit Sh. Xh., i cili mundi të largohej gjatë ndjekjes nga Policia. Të rinjtë akuzohen se me datë 20 shkurt duke udhëtuar me një mjet tip “Benz”, i dyshuar si i vjedhur në Tiranë më datë 25 qershor 2019, me targa të tjera të vjedhura në Shkodër, nuk iu bindën urdhrit të Policisë për ndalim.
Pas ndjekjes nga policia këta shtetas kanë braktisur mjetin dhe njëri prej tyre ka mundur të largohet. Nga veprimet hetimore dyshohet se këta shtetas, në bashkëpunim me njëri-tjetrin, janë autorë të dy grabitjeve të tjera, konkretisht: -Më datë 05.06.2019, në Fushë Krujë, dyshohen se kanë vjedhur mjetin tip “BMW”, në pronësi të shtetasit E. Ll. -Më datë 19.11.2019, në fshatin Derven, Krujë, kanë vjedhur mjetin tip “Benz” në pronësi të shtetasit Sh. D. n.k/Fjala.al/
