Një person është futur me dhunë në shtëpinë e një çifti në Selenicë për të grabitur.
Nga informacionet e deritanishme mësohet se pasi i ka kërcënuar, ai u ka vjedhur një shumë parash që kanë pasur në banesë. Më pas ai ka arritur që të largohet.
“Më datë 16.07.2022, rreth orës 10:00, shtetasja Y. F. ka njoftuar në Sallën Operative se në fshatin Brataj, Selenicë, një shtetas ende i paidentifikuar, ka kanosur atë dhe bashkëshortin duke hyrë me dhunë në banesën e tyre dhe u ka vjedhur një shumë parash, e më pas është larguar”, thuhet në njoftimin e policisë.
Kjo e fundit ka njoftuar gjithashtu se grupi hetimor ndodhet në vendngjarje dhe po punon për identifikimin dhe kapjen e autorit, si dhe zbardhjen e plotë të rrethanave të ngjarjes.
