Task-Forca e ngritur ndaj Koronavirusit do të mblidhet mëngjesin e sotëm, rreth orës 09:30, në sallën e emergjencave në aeroportin e Rinasit.
Në këtë mbledhje pritet të diskutohen për t’u mbrojtur nga koronavirusil si dhe për të parandaluar hyrjen e individëve të prekur në territorin shqiptar.
Shqipëria i frikësohet një përhapje të Koronavirusit në vendin tonë pasi në Italinë fqinje numri i të prekurve ka arritur në shifrën 152. Për këtë arsye, sipas autoriteteve shqiptare janë shtuar masat në pikat kufitare me dyfishimin e personelit mjekësor dhe me ambiente të posaçme intervistimi për personat që vijnë nga shtetet me risk.
Në aeroportin e Rinasit, në portet si Durrësi dhe Vlora si dhe në pikat e tjera të kalimit kufitar janë shtuar edhe masat mbrojtëse, me dizifektues, maska dhe dhoma izolimi provizore pranë këtyre pikave, për t’u spostuar më tej në karantinë spitalore nëse është e nevojshme.
Autoritetet në kontrollin e tyre u japin një prioritet të ardhurve nga Kina, apo që kanë pasur edhe numrin më të madh të viktimave dhe të të prekurve nga koronavirusi, por tashmë edhe nga Italia, Gjermania, Turqia etj.
