Kryebashkiaku i Bulqizë Lefter Alla del i pastër. Ai nuk ka konsumuar kokainë. Kjo është përgjigja që vjen nga laboratori i policisë shkencore për praninë në drogë në urinë dhe gjak të kryebashkiakut Lefter Alla.
Ai iu nënshtrua hetimit nga Struktura e Posaçme Antikorrupsion pas denoncimit në media dhe akuzave të Partisë Demokratike se Lefter Alla konsumonte drogës.
Denoncomi u bë publik në media përmes një videoje dukej Lefter Alla duke konsumuar drogë. Avokati i tij Petrit Ismaili pritet t’i drejtohet SPAK brenda javës për pushim të hetimeve, shkruan Shqiptarja.com
Alla mohoi të jetë ai në video, duke kërkuar që prokuroria të gjejë përmes atyre që e publikuan, personin që shfaqet duke pirë kokainë.
Kryebashkiaku paralajmëroi se do të padisë për shpifje ish-deputetin Ervin Salianji, ndërsa akuzoi Partinë Demokratike se bashkë me një televizion lokal kanë montuar videon.
Sipas tij, ekzistenca e “video-montazhit më është bërë me dije prej rreth një viti, por gjithmonë kam besuar dhe besoj se duhet të jetë drejtësia ajo që ta hetojë dhe ta zbardhë”.
