Kryeministri i vendit Edi Rama ndodhet në Beograd ditën e sotme, në kuadër të samitit “Open Ballkan” që do të zhvillohet më 2 shtator. Sot ai u ftua në hapjen e ceremonisë së panairit të verës në Beograd.
Teksa në ceremoninë në ceremoni kishte të pranishëm nga vende të ndryshme të Ballkanit, një grup muzikor interpretoi dhe këngën e ikonës së muzikës shqiptare Vaçe Zela “Rrjedh në këngë e ligjërime”.
Kujtojmë se më herët gjatë fjalës së tij në këtë panair, kryeministri Rama u shpreh se vendet e rajonit kanë humbur shumë kohë duke u përpjekur për ti treguar njëri-tjetrit se kush është i pari, teksa më tej shtoi se panairi vitin tjetër do të zhvillohet në një tjetër kryeqytet të rajonit.
