Sezoni turistik në Shqipëri ende nuk është mbyllur, pasi të bekuar nga dielli dhe temperaturat ende të larta, vende bregdetare e plazhet vazhdojnë ende të frekuentohen.
Megjithatë, për të bërë një bilanc për situatën, ka qenë e ftuar mëngjesin e sotëm në “Wake Up”, Minstrja e Turzmit Mirela Kumbaro, e cila shpesh është parë në terren këtë sezon për të monitoruar nga afër zonat turistike.
Midis të tjerash, ajo zbuloi edhe një detaj tepër interesant. Kumbaro rrëfeu se gjatë verës ka dalë “e maskuar” në terren, me syze e kapele, sidomos në vijën bregdetare të jugut, dhe ka inspektuar nga afër plazhet, sidomos pas denoncimeve apo diskutimeve që bëheshin në rrjetet sociale.
“Në mes të Dhërmiut, mes dy plazheve private unë kam bërë inspektime në terren gjatë gjithë sezonit, e fshehur nën syze dhe kapele, anonime. Nuk më ka njohur askush dhe kam lëvizur nëpër territor sa herë që kishte reagimer në Facebook, shkoja vetë dhe e verifikoja e maskuar. Kam parë plazhe në Dhërmi, mes dy plalzheve private, plazh publik që ishte përgjysmë bosh, ndërkohë që dy plazhet anash ishin plot. Kjo mania për të shkuar në mëngjes apo për të gjetur një moment që ca shezlongë janë bosh, nuk ia vlen që të zgjatemi”, u shpreh Kumbaro.
View this post on Instagram
Pra me pak fjalë, nëse keni pushuar në Dhërmi këtë verë, mund të keni rastisur me Ministren aty afër, të maskuar sigurisht…
