Lufta në Ukrainë ka arritur në ditën e saj të 201. Në rajonin e Kharkiv, forcat ukrainase arritën në pikën kufitare me Rusinë, duke çliruar 40 vendbanime, sipas Kievit.
Ndërkohë që trupat ukrainase vazhdojnë kundër-ofensivës e cila duket se ka shpartalluar ushtrinë ruse dhe që ka sjellë forcat e Kievit në kufirin me Rusinë, Presidenti Volodymyr Zelensky, i intervistuar nga CNN, tha se nuk ishte i gatshëm të negocionte me Rusinë.
Sakaq, të shkatërruar ushtarët rusë kanë lënë pas municoione, teksa largoheshin nga qyteti i Izium në Kharkiv, në kohën kur forcat ukrainase po hidheshin në kundërofensivë.
“Pushtuesit rusë ikin aq shpejt nën presionin e ushtarëve ukrainas, saqë lënë arsenale të tëra municionesh. Ne e dimë se çfarë të bëjmë me ta dhe patjetër do t’i përdorim për qëllimin e tyre të synuar, kundër armikut”, postoi në Facebook Vladyslav Abdula, Zëdhënës i Departamentit të Rajonit të Kharkiv të Shërbimit të Sigurisë të Ukrainës.
Sipas këshillit të qytetit të Izium, ushtria ukrainase ngriti flamurin ukrainas mbi qytet më 10 shtator. Shtabi i Përgjithshëm i Forcave të Armatosura të Ukrainës nuk e ka shpallur ende zyrtarisht çlirimin e qytetit, raporti i 11 shtatorit thoshte se çlirimi i rrethit të Iziumit ishte në vazhdim.
Pushtuesit, duke ikur me nxitim, lanë listat e personelit, të dhënat e detajuara, dokumentet dhe fletoret personale në një fshat të rrethit të Iziumit, shkruan Ukrinform.
“Kryetari i Iziumit”, i emëruar nga pushtuesit, u arratis edhe para ofensivës së Forcave të Armatosura të Ukrainës.
