Sot në orën 17:00 do të mblidhet Parlamenti Europian në Strasbourg të Francës.
Në fokus të këtij organizimi vjetor është situata e Bashkimit Europian ku do të ketë edhe një fjalim vjetor nga Presidentja e Komisionit Evropian Ursula von der Leyen ,për të paraqitur prioritetet kryesore politike, objektivat dhe nismat e vitit të ardhshëm legjislativ.
Fjalimi i Ursula von der Leyen është parashikuar të mbahet të mërkurën në mëngjes përpara një salle të plotë të Parlamentit Evropian.
Ndërkohë sot në orën 17:00 nis seanca plenare e Parlamentit Europian dhe para kësaj seance po mbahet një konferencë për shtyp.
Gazetarja e Fjala.al, Monada Mehmetaj e cila ndodhet në Strasbourg dhe po ndjek nga afër këto zhvillime raporton se në këtë konferencë është duke u sqaruar axhenda e seancës parlamentare. Gjithashtu, në nisje të kësaj seance, do të mbahet edhe një minutë heshtje në nder të Mbretëreshës së Britanisë, Elizabeth II, e cila ndërroi jetë më 8 shtator.
