Funerali i Mbretëreshës Elizabeth II ka qenë i lodhshëm si për familjen mbretërore, ashtu edhe për qytetarët e rojet e gardës, që kanë ndjekur me përpikmëri nderimet.
Pas lajmit se një rojeje të gardës i ra të fikët para arkëmortit të Mbretëreshës, një tjetër ngjarje e ngjashme ka ndodhur.
Gabriella Windsor ra pa ndjenja dje ndërsa arkivoli i Mbretëreshës mbërriti në Westminster Hall.
Vajza e Princit Michael të Kentit, një kushëri i Mbretëreshës, mori pjesë në shërbim me prindërit dhe bashkëshortin e saj Thomas Kingston dhe u pa në radhë me anëtarët e tjerë të familjes mbretërore ndërsa arkivoli i Elizabeth hyri në ndërtesë.
Megjithatë, pak më vonë, sipas Daily Mail, pati një zhurmë të vogël dhe duket se Lady Gabriella Windsor i ra të fikët. Fotografitë e marra më vonë tregojnë se Lady Gabriella nuk është më në vendin e saj.
