Pas skenave të dhunës, pamjeve shqetësuse dhe aspak etike në programin televiziv në Kosovë i quajtur ” It’s my home” është vendosur ndërprerja e transmetimit të tij.
Ka qenë vendimi i Komisionit të Pavaruar të Mediave, ndërsa lajmi është bërë i ditur nga vetë pronari i televizionit ku transmetohej programi “First Channel”, Valon Maloku.
“Sipas vendimit të KPM-së programi Reality show “It’s my home” ndërprehet menjëherë në transmetimin televiziv. “It’s my home” vazhdon të transmetohet në kanalin tonë në youtube 24 orë me 7, deri në një vendim tjetër”, njoftoi ai.
Gjatë ditës së djeshme, një vajzë në program ka ofenduar dhe sharë nga familja një banor dhe ky i fundit e ka goditur vajzën me shapkë. E reja shihet duke qarë por askush nuk afrohet që ta ndihmojë.
Teksa u sulmua, banorja dëgjohet duke thënë: “S’jam ardhë unë mem rreh këtu”.
Ndërkohë që një banore dëgjohet teksa i thotë dhunuesit “bravo, mirë ia bëre”. Pas kësaj skene të shfaqur në një televizion publik kosovar, pati reagime të ashpra ku ndërhyri edhe policia ndërsa në lidhje me ngjarjen nisi një hetim për “sulm dhe kansoje”.
