Jeni të sigurt që kulmi i dëshirës seksuale, si për të bërë seks me partnerin, ashtu edhe për të masturbuar, është detyrimisht rreth moshës 20-vjeçare? Varet.
A bie vërtet dëshira seksuale me kalimin e viteve? Një studim i publikuar në revistën ‘Archives of Sexual Behavior’ e vë në dyshim këtë. Në përgjithësi, rezultatet e hulumtimit vërtetojnë se burrat dhe gratë nuk kanë të njëjtin nivel të dëshirës për seks në periudha të ndryshme të jetës së tyre. Mbi të gjitha, ka dallime midis dëshirës për të masturbuar, për të bërë seks me një partner të rastësishëm ose me një partner të qëndrueshëm.
ME PARTNERIN OSE VETËM.
Një ekip ndërkombëtar shkencëtarësh mblodhi të dhëna nga një sondazh i kryer midis viteve 2007 dhe 2018, i cili studioi tendencën e dëshirës seksuale të 8,150 pjesëmarrësve midis moshës 15 dhe 80 vjeç. Sondazhi u nda në tre “kategori”: të bësh seks me partnerin, të bësh seks me një person tërheqës, të bësh seks me veten (masturbim).
Sipas sondazhit, dëshira e femrave për seks në çift arrin kulmin rreth moshës 20-vjeçare dhe mbetet e lartë deri në mesin e viteve 40 dhe më pas bie gradualisht. Kjo përkon me faktin se dëshira për të pasur marrëdhënie seksuale rritet gjatë asaj faze të jetës kur gratë janë më pjellore. Megjithatë, dëshira e grave për të masturbuar nuk ecën njësoj: ajo arrin kulmin rreth moshës 20 vjeç, pastaj gradualisht bie deri në moshën 60 vjeç, pastaj rritet pak deri në moshën 80.
Po burrat? Kurba e tyre e dëshirës për të bërë seks me një person tërheqës – jo domosdoshmërisht partnerin e tyre – është më e thjeshtë se ajo femërore: arrin kulmin pas moshës 40-vjeçare dhe më pas bie gradualisht. Dëshira për të masturbuar ndjek gjithashtu një kurbë pak a shumë të ngjashme: arrin kulmin rreth moshës 35-vjeçare dhe më pas bie gradualisht deri në moshën 60-vjeçare.
BURRAT E MOSHËS SË MESME.
Sipas studiuesve, është interesante të theksohet se meshkujt kryejnë më shumë seks rastësor kur janë të rinj, dhe më pas preferojnë monogaminë. Kjo bie paksa duke shkuar drejt moshës së mesme, pastaj rritet sërish.
Burimi: Focus.it
