Traditën e mbledhjeve të përbashkëta me qeverinë e Kosovës, Shqipëria duhet ta vijojë edhe me Malin e Zi.
Kjo ishte kërkesa e kryeparlamentares Lindita Nikolla, e shprehur përgjatë takimit me ministrin shqiptar të qeverisë së Malit të Zi Marash Dukaj, që drejton dikasterin e Administratës Publike.
Dukaj ka vijuar takimin edhe me kreun e grupit parlamentar socialist Taulant Balla, i cili e quajti të rëndësishëm rolin e Malit të Zi në sigurinë rajonale, ndërsa u fol për marrëdhënie më të forta në rrugën e integrimit dhe bashkëpunimit ekonomik.
