Ilir Meta ka reaguar ndaj kryeministrit Rama pas ironisë së këtij të fundit se presidenti ka disa shtëpi. Përmes zëdhënësit të tij, Tedi Blushi, Meta thekson se Presidenti ka vetëm një shtëpi, dhe ajo është Shqipëria.
“Presidenti e ka shtëpinë më shumë se një shtëpi dhe detyra e kryeministrit është të merret me ata që kanë mbetur në çadra pas tërmetit të 26 nëntorit”– tha këtë paradite kryeministri Rama.
Postimi i Tedi Blushit: “Lajmërojeni gruan e Bilalit se Presidenti ka vetëm një shtëpi: Shqipërinë. Sa shtëpi ka gruaja e Bilalit pyeteni vetë.
Ndërkaq, më herët, Rama theksoi se Presidenti e ka shtëpinë më shumë se një shtëpi dhe detyra e kryeministrit është të merret me ata që kanë mbetur në çadra pas tërmetit të 26 nëntorit.
Lidhur me manifestimin e datës 2 mars, presidenti akuzon se ndaj presidencës e vendit po bëhet grusht shteti, ju a keni një koment për këtë?
Rama: Presidenti e ka shtëpinë më shumë se një shtëpi, unë jam këtu për ata që jetojnë në çadra apo jetojnë në shtëpitë e të tjerëve. Për ata jam unë këtu jo thjesht në këtë konferencë, por në të gjitha orët e ditës time me gjithë natën, kështu që ua kam lënë juve çështjen e presidentit, është luks i madh për mua te merrem.
