Dymbëdhjetë milje e gjatë dhe më e gjatë se Statuja e Lirisë, projekti i urës së Kerçit në gadishullin e pushtuar të Krimesë ishte ‘xhevahiri’ në kurorën e projekteve infrastrukturore të Vladimir Putinit, i përshkruar në mediat ruse si “ndërtesa e shekullit”.
Ndaj, duket se shpërthimi i saj, e ka nevrikosur jashtëzakonisht shumë presidentin rus.
Mediat dyshojnë se ka nisur një ‘luftë’ e brendshme mes Putin dhe shërbimeve sekrete dhe forcave të armatosura.
Ditën e djeshme, Anton Gerashchenko, një këshilltar i ministrit të brendshëm të Ukrainës, shkroi në Twitter se “arrestimet e personelit ushtarak kanë filluar në Moskë”. Ai shton se forcat elitare ushtarake kanë hyrë në Moskë dhe se “raportohen disa arrestime, ndalime të personelit ushtarak”.
Ministria ruse e Mbrojtjes ka vënë gjeneralin Sergei Surovykin në komandën e të gjitha forcave ushtarake ruse të përfshira në Ukrainë. Ndryshimi pason heqjen e dy komandantëve nga gjithsej pesë komanda ushtarake në Rusi.
Sergei Surovikin, ish-komandanti i operacioneve ruse në Siri, është një gjeneral famëkeq i korruptuar dhe brutal, sipas Ministrisë së Jashtme të Mbretërisë së Bashkuar.
Që nga viti 2017, Surovikin drejton Forcat Ajrore të Rusisë, një zyrë e krijuar në vitin 2015 kur Forcat Ajrore Ruse, Forcat Ajrore dhe Raketore dhe Forcat Hapësinore u vunë nën një komandë. Në qershor, ai u vendos në krye të trupave ruse në Ukrainën jugore. Ai kishte shërbyer më parë në Taxhikistan, Çeçeni dhe Siri.
