Zvicra ka ndaluar sot të gjitha eventet që përfshijnë më shumë se 1.000 njerëz në një përpjekje drastike për të ndaluar përhapjen e koronavirusit.
Qeveria Zvicerane njoftoi sot masën e urgjencës dhe tha se do të zgjasë të paktën deri në 15 Mars.
Masa vjen pasi ndërkombëtarët janë në prag të një pandemie, me Meksikën që raporton tani dy rastet e para.
Nigeria konfirmoi gjithashtu rastin e parë të virusit në Afrikën Sub-Sahariane të premten.
Zyrtarët zviceranë thanë që ndalimi i ngjarjeve publike dhe private ka për qëllim të parandalojë ose vonojë përhapjen e sëmundjes në Zvicër, duke zvogëluar kështu përhapjen e saj.
Kjo masë e ndërmarrë do të ndikojë në ngjarje që përfshijnë koncerte, Karnavalet e Bazelit, Motor Show-n në Gjenevë dhe ndeshjen në Ligën e futbollit zviceran.
Zvicra tashmë ka konfirmuar 15 raste të virusit, dhe zyrtarët presin që shpërthimi të përkeqësohet për shkak të krizës mbi kufirin në veri të Italisë.
