Risia dhe qëndrimi atipik rrethojnë Erling Haaland. Megjithatë, ndoshta shifrat e tij të golave janë më pak surreale nga gjithçka që orbiton rreth sulmuesit norvegjez. Nga peticionet drejtuar Parlamentit Britanik për ta deportuar për shkak të të qenit robot në disa aspekte të jetës së tij të përditshme… duke kaluar nëpër dietën e tij të çuditshme.
“Mëlçi dhe zemër” (lopë), ka rrëfyer Haaland në ‘The Big Decision’ , dokumentari i publikuar së fundmi për karrierën fillestare të ‘Android-it’ nordik. Sulmuesi 22-vjeçar është hapur për dietën e tij, diçka që ai beson se e ka ndihmuar ta bëjë atë që është tani: një nga futbollistët më të mirë në planet.
Në dokumentarin në fjalë (të regjistruar para vendimit për të nënshkruar me Dortmundin), i cili mund të shihet në YouTube, intervistuesi habitet kur Haaland merr disa produkte mishi të paketuara. “A është kjo një zemër?”, e pyet ai i shtangur futbollistin e Cityt. “Po, është zemër,” përgjigjet Haaland duke buzëqeshur.
Siç shpjegojnë ata në Angli, Haaland ha rreth 6000 kalori në ditë për të mbajtur trupin e tij në gjendje të mirë. “Ju nuk e hani këtë, por unë jam i shqetësuar për t’u kujdesur për trupin tim. Mendoj se ushqimi cilësor dhe sa më lokal është gjëja më e rëndësishme. Njerëzit thonë se mishi është i keq, por… cili? Ju blini në McDonald’s? Apo lopën lokale që ha bar atje? Unë ha zemrën dhe mëlçinë.”
Uji i filtruar, rrezet e diellit…
Pas kësaj, Haaland vazhdon të flasë në dokumentar për rëndësinë e mbajtjes së një rutine. Norvegjezi flet për sistemin e tij të filtrimit të ujit dhe thekson rëndësinë e dritës së diellit. Ai detajon se përpiqet të bëjë banja dielli sapo zgjohet në mëngjes dhe përmendi gjithashtu një ritëm cirkadian për të rregulluar modelin e gjumit dhe zgjimit.
“Gjëja e parë që bëj në mëngjes është të marr pak rreze dielli në sytë e mi, është e mirë për ritmin cirkadian. Gjithashtu fillova të filtroj pak ujin. Mendoj se mund të ketë përfitime të mëdha për trupin tim”, detajon ai.
Edhe pse lazanja e babait të tij Alfie Haland ishte diskutuar tashmë , kjo dietë që zbulohet tani tejkalon çdo pritshmëri.
