Frika nga koronavirusi ka alarmuar tashmë edhe kampionatin më të madhtë futbollit në Gjermani, Bundesligën.
Bayern Munchin do të luajë sot me skuadrën e Hofenhaim dhe për t’u mbrojtur kanë marrë disa masa paraprake. Lojtarëve të skuadrës kampione nuk u lejohet që pas ndeshjes të japin autografe apo takojnë tifozët. Po ashtu nuk do të lejohen as fotografitë, pasi ekziston mundësia e transmetimit përmes frymëmarrjes.
Ndonëse virusi nuk është përhapur shumë në Gjermani dhe në Bundesligë situata është ndryshe nga Seria A, klubet po marrin masa paraprake.
Ditën e djeshme u dyshua se në zonën e Hamburgut ishin dy persona të prekur me koronavirus, por rezultuan lajme jo të vërteta.
Megjithatë të gjitha takimet e javës së 25-të do të luhen në prani të tifozëve, si në Bundesligën e parë, edhe në atë të dytë./Fjala.al/
