Padyshim që ajo është një nga personazhet më të njohur të këtij viti. Shprehja e saj e famshme “Çantën n’krahe për kokrrën e qejfit” do të mbahet mend gjatë për çdo shqiptar.
Debati i saj dhe kërkesat që kishte u bënë virale në rrjetet sociale, ndërsa për emisionin “Real People” në Euronews Albania, zonja Vjollca ndryshe nga herët e tjera ka rrëfyer jetën e saj.
Ajo tha se ditën që doli në televizor nuk kishte marrë qetësuesen dhe sipas saj situata i doli jashtë kontrollit.
Vjollca theksoi se të gjithë të afërmit i bërtisnin dhe e shanin, gjë e cila e mërziti dhe stresoi shumë.
“Të gjithë bënin zërin tim. Merr çantën, shkon në lokal. Atë ditë nuk kisha parë kokrrën, qetësuesen dhe fola. Dhe Eni më tha që ta shaja sa më shumë. Nuk mbaj mend fare se çfarë kam fol. Kur e kam pa këtu në telefon tim, u çmenda. Gjithë miqtë më bërtisnin, më shanin. Më thoshin pse ke fol kështu. Këtu është mentaliteti, këtu gratë janë të mbylluara ndërsa unë s’kam qenë kështu. Më thoshin si s’ke zor, i vure në siklet çunat. Pastaj më doli se ka vdekur”– u shpreh Vjollca.
Po ashtu, ajo tha mes të tjerash se njëra nuse e djalit që prej asaj dite nuk i flet më.
“Nuk na folën, u mërzitën shumë. Një nuse nuk na flet fare. Më thonë që e ka marrë vesh veriu e jugu, keni nipa e mbesa për të martuar, na fëlliqët. U mërzita shumë na u shtua më shumë stresi, nuk është e pakët të ndahesh prej çunit dhe nuseve. Unë s’ju thashë asgjë. Pse t’i kërkoj falje nuses. Me çunat tani flas”- theksoi Vjollca.
Zonja karizmatike shprehu pendesë për fjalët e saj në emision, të cilat u bënë shumë virale.
“Nuk më vjen mirë që batuta ime u bë ashtu. U pendova për atë që thashë, sepse ndihem keq. Më thonë ke dalë në televizor, por mu më nxori e keqja”- tha ajo ndër të tjera.
