Mbi gjendjen e presidentit rus Vladimir Putin po qarkullojnë një sërë thashethemesh sipas të cilave ai vuan nga kanceri ose sëmundja e Parkinsonit. Por nuk është vetëm kjo.
Thuhet se, Putin po përdor të paktën tre persona të tjerë që kanë kryer ndërhyrje kirurgjikale që të ngjajnë si ai. Të paktën kështu ka deklaruar shefi i inteligjencës së Ukrainës, i cili shton se “sozitë” e liderit rus po përdoren për të mbuluar humbjen e tij të kontrollit në Kremlin.
Gjeneralmajor Kyrylo Budanov, kreu i inteligjencës ushtarake, thotë se qeveria e Ukrainës është aq e hutuar nga strategjia katastrofike e pushtimit të Rusisë, saqë pyet veten nëse Putini është ende duke i marrë vendimet kryesore.
Ai thotë se “pavarësisht se sa i keq” ishte Putini në të kaluarën, ai nuk është idiot, por vazhdon të argumentojë se lufta e Rusisë “nuk ka asnjë sens logjik”.
Deklarata e pazakontë, në një kohë kur flitet shpesh për mundësinë që Putin të jetë në gjendje të rëndë shëndetësore, u bë në një intervistë ekskluzive me njeriun që shihet si armiku numër 1 publik i Moskës pas një sërë sulmesh shkatërruese ndaj interesave ruse.
