Xhelal Rraja, babai i Ramazan Rrajës që u ndalua sot me makinë të blinduar ka dhënë një mesazh për kreun e policisë kriminale në Tiranë, Neritan Nallbati.
Me tone të ashpra, Rraja thotë se i biri nuk është në kërkim policor dhe se askush nuk e ka sqaruar për arsyen e shoqërimit të tij.
Xhelali thotë se mjetin e blinduar e ka të rregullt me letra dhe se nëse Nallbati ka ndodnjë gjë personale me të, e fton ta zgjidhë personalisht dhe jo të vijohet me shtet.
“Nëse djalit tim do t’i faktohet gjëja më e vogël ai të përgjigjet. Nuk është në kërkim policor. Ka dy orë që rri këtu dhe nuk më ka sqaruar njeri se pse është shoqëruar. Është e vërtetë që lëviz me makinë të blinduar pse duhet të ndalohet për lëvizje më makinë të blinduar. Makinën e kam unë me letra. I bëj thirrje atij zotërisë nëse ka gjë personale me mua, të vazhdojë personale, të mos vazhdojë me shtetin, kaq kam,”- tha Xhelal Rraja.
Aksioni i Policisë së Shtetit është zhvilluar mesditën e sotme në Tiranë në zonën e Qafë-Kasharit. Ramazan Rraja është ndalua bashkë me kushëririn e tij, djalin e deputetit të Partisë Socialiste, Rrahman Rraja, Rexhepi.
