Përmbytjet/ Alibeaj kërkon shpalljen e fatkeqësisë natyrore  

113 563 lexime

124,178FansaPëlqeje

Grupimi i Alibeajt në Partinë Demokratike, ka dorëzuar në Kuvend një kërkesë për shpalljen e gjendjes së fatkeqësisë natyrore për 3 qarqe në vend, të cilat kanë territore të konsiderueshme të përmbytura. Në një dalje për mediat nga Kuvendi, Alibeaj kërkoi vëmendjen e qeverisë për këto zona, ndërsa kërkoi që të miratohet dhe dëmshpërblimi për banorët e dëmtuar. “Duke parë zhvillimet e këtyre ditëve një pjesë e deputetëve tanë të PD-së, kanë iniciuar një kërkesë drejtuar kryeministrit me të cilën kërkohet shpallja e gjendjes së fatkeqësisë natyrore në këto 3 qarqe. Situata e 3 ditëve të fundit ka shkaktuar problematika në 3 qarqet, Shkodër, Durrës dhe Lezhë. Ka dëmtuar të mbjella, pasuri natyrore por dhe humbje të jetëve.

Nisur nga kjo kemi kërkuar me anë të kësaj kërkesë, për tu përmbushur kriteret ligjore për shpalljen e emergjencës. Kjo është një kërkesë juridike jo politike. Kërkesa jonë i drejtohet kryeministrit për shpalljen e gjendjes së jashtëzakonshme, është një kërkesë e bazuar në kushtetutë, legjislacion për një arsye të thjeshtë. E kuptoj që sa herë ka të tilla ngjarje politika vrapon tek to. Duam të kalojmë nga një situatë e debatit politik te një nivel i situatës ligjore. Presim që një orë e më parë qeveria të mblidhet dhe të shqyrtojë këtë kërkesë”, tha Alibeaj ndër të tjera. Nisur nga reagimet e ashpra politike të bëra ditën e hënë që pati protagonist ish- kryeministrin Sali Berisha në terrenin e Shkodrës dhe përplasjet në distancë me Ramën, Alibeaj thotë se janë debate të panevojshme politike. Sipas Alibeaj nuk është e nevojshme të shkuarit në terren për të treguar solidaritet me qytetarët pasi për të mesazhi më i madh për qytetarët është ndihma e shtetit dhe e qeverisë, të cilën e cilëson si ‘letargjike’.

Lexo edhe :  3 medalje ari në Madrid, Shqipëria ka një kampione Europe në peshëngritje!

“E thatë vetë dhe unë e thashë në fjalën time, unë në shtëpinë time kam çizme për të shkuar atje, por në këtë situatë është e rëndësishme ngritjen e alarmit nga kushdo. Por do doja dhe këtu dua të jem i sinqertë që në situatën ku ndodhemi duhet të bëhet nga qeveria. I dërgoj këtë kërkesë pikërisht për t’iu shmangur debateve të vogla politike. Mesazh më i rëndësishëm se të qenurit afër është vetë shteti dhe ndihma e qeverisë. Që të jenë pranë njerëzve në ditë të zeza si këto. Ajo që është më e keqe është ‘letargjia’ e qeverisë përballë kësaj situate”, tha Alibeaj.

Të fundit

Komisionerja e BE: Serbia, e detyruar të respektojë të drejtat e minoriteteve shqiptare!

Komisionerja e Bashkimit Europian Marta Kos i ka dërguar një letër të hapur deputetit të vetëm shqiptar në Parlamentin...

Toka, vila e apartamente, sekuestrohen pasuri me vlerë 9,3 milionë euro

Gjykata e Posaçme ka miratuar kërkesën e SPAK për sekuestrimin e 21 pasurive me vlerë totale 9,3 milionë euro, të cilat i përkasin personave...

Ishte zhdukur në Liqenin e Ujmanit, gjendet trupi i pajetë i 33-vjeçarit

Forca e Sigurisë së Kosovës (FSK) ka bërë të ditur se është gjetur trupi i pajetë i një 33-vjeçari në Liqenin e Ujmanit, i...

Agjenti i Ronaldos i sjell Milanit sulmuesin që vlen 65 mln euro?

Goncalo Ramos është një nga objektivat e Milanit këtë verë. PSG nuk mund ta shesë atë, veçanërisht pasi ata paguan 65 milionë euro për...

Cërrik, vjehrra e denoncon për dhunë, Policia merr nën akuzë nusen

Një grua e moshuar ka kërkuar ndihmën e Policisë së Cërrikut, pasi dëshmoi se nusja e saj e dhunonte psikologjikisht. Burime zyrtare bënë sot me...

Lajme të tjera

Web TV