Është përkeqësuar situata me përmbytjet në vend, si pasojë e motit të keq me reshje të dendura shiu.
Reshjet kanë bërë që prurjet në lumin Mat të jenë të dendura në liqenin e Shkopetit. Kjo ka bërë që HEC-et e Ulzës e Shkopetit të hapin portat dhe të nisin shkarkimet.
Këto shkarkime rrisin rrezikun e përmbytjeve në zonën e Milotit, edhe pse deri tani nuk ka problematika të theksuara.
Moti i keq ka përfshirë vendin prej ditësh ku zonat më të prekura nga përmbytjet janë në Lezhë, Laç dhe Shkodër, ku shumë hektarë tokë janë në ujë.
