Ervin Gjonaj, gazetar në Britaninë e Madhe zbuloi në emisionin Now, në Euronews Albania detaje nga tragjedia e ndodhur në Kanalin Anglez, ku 4 emigrantë humbën jetën pasi gomonia me të cilën udhëtonin drejt Britanisë u përmbys.
Ai tregoi se shteti në Britaninë e Madhe është shumë i rezervuar dhe nuk jep asnjë informacion rreth kombësisë apo identitetit të të mbijetuarve, por mësohet se njëri prej tyre ka kërkuar përkthyes të gjuhës shqipe në spital gjë që i është mundësuar.
“Një i mbijetuar ka kërkuar përkthyes të gjuhës shqipe ndaj është cilësuar si shqiptar. Mendohet se është vetëm 1, por mund të kenë qenë edhe të tjerë që kanë folur anglisht. Ministria e Brendshme nuk jep asnjë detaje se gjendja e të mbijetuarve është kritike. Nesër pritet që sekretarja e Brendshme, Breveman të raportojë lidhur me këtë çështje në parlament”, tha gazetari.
