Kryetari i grupit parlamentar për PS-së, Taulant Balla deklaroi sot se Presidenti i vendit Ilir Meta nuk mund të shpërbëjë Parlamentin.
Socialisti tha se Shqipëria është një republikë Parlamentare dhe si e tillë mund ta shkarkojë Parlamenti Presidentin, por e kundërta jo.
Balla theksoi se Kuvendi e shkarkon Presidentin dhe procesi certifikohet nga Gjykata Kushtetuese.
“Republika e Shqipërisë është e pastër parlamentare, e kulluar parlamentare dhe presidenti i zgjedhur në atë detyrë nga Kuvendi i Shqipërisë e di fare mirë këtë mungesë të së drejtës për të pasur këtë lloj qasje me Kuvendin.
Kuvendi e shkarkon Presidentin dhe procesi certifikohet nga GJK. Presidenti i vjen anash Parlamentit për ta shkarkuar dhe shpërndarë. Është një person në hetim për shkeljet e njëpasnjëshme kushtetuese”,- tha ai.
