Dy shqiptarë janë arrestuar nga policia kroate gjatë kontrollit kufitar në Karasoviç ku u janë gjetur 5.4 kg heroinë dhe 5.6 kokainë.
Dy shqiptarët, identiteti i të cilëve nuk është bërë ende i ditur, kanë qenë duke udhëtuar me një autobuz me targa shqiptare por pa asnjë pasagjer.
Autobuzi drejtohej nga 33 vjeçari ndërsa 41 vjeçari ishte shofer zëvendësues.
Në bagazhin e autobuzit, janë gjetur pesë pako me lëndë narkotike heroinë dhe pesë pako me kokainë të cilat ishin mbështjellë me qese transparente.
Shqiptarët po mbahen në paraburgimin e drejtorisë së policisë së Dubrovnikut, ku janë arrestuar që prej ditës së enjte, shkruajnë mediat e huaja.
