Në policinë greke është ngritur alarmi nga dy telefonata për vendosjen e bombës në komplekset shkollore në Selanik.
Ngjarja ka nisur në orën 12:00, kur një person i panjohur ka lajmëruar Policinë dhe ka denoncuar se në shkollën “Euklid”, në Selanikun lindor ishte vendosur bombë. Policia ka mbërritur në vendngjarje dhe ka evakuuar kompleksin e shkollës. Në këtë kohë, një skuadër e departamentit të asgjësimit të mjeteve shpërthyese po kryen një hetim.
Pak më vonë, në orën 13:30, një thirrje e ngjashme është bërë në Polici. Këtë herë, megjithatë, i panjohuri që telefonoi tha se një bombë ishte vendosur në EPAL Stavroupoli. Procesi i evakuimit të godinës është në zhvillim e sipër, ndërsa në vendngjarje do të mbërrijnë nga momenti në moment efektivët e policisë TEEM për të kontrolluar zonën.
