KFOR-i ka dhënë detaje të reja rreth një sulmi afër patrullës së saj në veri, për të cilin u raportua mbrëmjen e 25 dhjetorit. Misioni i NATO-s në Kosovë, ka dalë me një reagim për sulmin dhe thotë se është kryer nga disa të armatosur në Zubin Potok.
“KFOR-i po e heton një incident të tërthortë zjarri më 25 dhjetor, në afërsi të një patrulle të KFOR-it. Në incidient ishin përfshirë njerëz të panjohur dhe të armatosur në rajonin e Zubin Potokut”, thuhet në njoftimi, ku bëhet e ditur se nuk ka pasur ndonjë lëndim a ndonjë dëm material.
“Përderisa takimet me të gjitha palët janë planifikuar, është e rëndësishme që të gjithë të përfshirët të evitojnë retorikën apo veprimet që mund të shkaktojnë tensione dhe ta eskalozojnë situatën”, vijon deklarata.
Ndërkohë, politikanët serbë kanë përdorur mediat e tyre dhe kanë akuzuar mediat shqiptare në Kosovë, se qëllimisht po përhapnin lajme për të shtëna me armë. Sipas tyre, në Zbuin Potok ku është dhe një barrikadë, nuk ka pasur as të shtëna e as persona të armatosur.
Mirëpo, deklarata e minisonit të NATO-s në Kosovë tregon të kundërtën.
