Vdekja e një 50 vjeçareje në spitalin e Korçës ka rritur frikën nga coronavirusi në qytetin juglindor. Raportohet se gruaja vuante nga diabeti, por sot shfaqi probleme me frymëmarrjen dhe më pas ndërroi jetë.
Simptomat e gruas ishin të ngjashme me ato të coronavirusit.
Analizuat e gruas janë dërguar menjëherë në Tiranë, në Institutin e Shëndetit Publik, dhe pritet që nesër të bëhen publike rezultatet.
Gjithsesi, në spitalin e Korçës stafi mjekësor ka marrë masat për të parandaluar një përhapje të mundshme të coronavirusit.
