Një aksident është regjistruar rreth orës 07:30 në zonën e Xhamllikut në Tiranë ku dy automjete janë përplasur me njëra-tjetrën. Ngjarja ka ndodhur në hyrje të rrugës “Xhanfize Keko” dhe në aksident janë përfshirë një automjet tip Toyota me targë ‘AA 770 TB’ dhe një automjet tip Benz.
Fatmirësisht nga përplasja nuk ka patur persona të lënduar rëndë, por drejtuesi i mjetit Benz ka mbetur për disa minuta i bllokuar në makinë, për shkak se nga përplasja i janë bllokuar dyert.
Aksidenti ka krijuar trafik të rënduar në rrugë, por situata është normalizuar me ndërhyrjen e policisë.
