Borussia Dortmund ia del të fitojë sfidën e parë të fazës së 1/8-tave në Champions League përballë Chelseat. Gjermanët triumfuan përballë anglezëve me rezultatin 1-0 teksa goli vendimtar u shënua në pjesën e dytë nga ana e Karim Adeyemi.
Ky i fundit shënoi në minutën e 63-të, një gol spektakolar duke qenë se e mori kontrollin e topit nga gjysmëfusha e tij. Rezultati nuk ndryshoi deri në fund teksa ndeshja e kthimit luhet më datë shtatë mars.
