Situata e Coronavirus-it ka bërë që të shmangen shumë projekte artistike. Mirëpo ajo që njerëzit duan të dinë përsa i përket fushës artistike lidhet me festivalin e Eurovisionit. Më 27 shkurt, Hollanda raportoi të infektuarin e parë me koronavirus.Bashkëorganizatorët u shprehën se po shqyrtojnë mundësitë e organizimit të festivalit, pas përhapjes së koronavirusit.
Transmetuesi Nederlandse Publieke Omroep tha se organizatorët e Eurovision do të ndjekin këshillat e autoriteteve shëndetësore dhe nuk është vendosur ende se në ç’formë do të mbahet festivali. NPO nuk pranoi të diskutojë alternativat që po merren në konsideratë.
Deri në këto momente në Hollandë janë raportuar 3 viktima nga virusi, mirëpo numri i të infektuarve është i lartë, 321 raste. Përsa i përket realizimit të festivalit ende nuk e dimë nëse do të jetë me dyer të hapura.
