Gjatë mbledhjes së qeverisë pasditen e sotme Kryeministri Edi Rama ka thënë se përveç luftës me koronavirusin kemi përballë dhe një luftë tjetër.
Ai përmendi në këtë takim një thënie të Organizatës Botërore të Shëndetit (OBSH) siç tha ai, duke theksuar se tashmë jemi përballë edhe luftës me “infodeminë”, pra lufta me keqinformimin në lidhje me këtë rast.
“OBSH-ja ka thënë diçka të rëndësishme përtej luftës me virusin përtej luftës nga epidemia ka dhe një luftë tjetër për tu fituar lufta nga infodemia nga lajmet kronikat, deklaratat të cilat nuk bëjnë asgjë tjetër përveçse panikun.
Të gjithë ata që kanë informacionet e tyre të mos abuzojnë sepse kjo nuk është një nga betejat e radhës, por kjo është një luftë që e kemi ne në dorë me zbatimin tonë.”-tha Rama.
Më tej kryeqeveritari theksoi se 6 nga rastet të personave me koronavirus në vendin tonë janë marrë nga dy të tjerët të ardhur nga Italia, pra që domethënë ky virus është shumë lehtë i kalueshëm nga një person te tjetri.
“Numri i të prekurve është rritur dhe është e rëndësishme të dëgjohet se 8 prej tyre janë vazhdë i dy kontakteve e pastaj me radhë të tjerë dhe dy rastet e tjera një i moshuar në Durrës dhe një djalë në Tiranë, të gjitha rastet janë kontaktet të importuara nga Italia.”-deklaroi Rama./Fjala.al/
