Beteja se kush është kryetar i PD-së, Berisha i zgjedhur nga anëtarësia, Basha i dorëhequr, apo Alibeaj i komanduar nga i dorëhequri, mbetet një enigmë që do kalojë për shqyrtim në KAS. Kush janë relatorët e çështjes dhe si do të jetë fati i PD-së që rrezikon të mos regjistrohet si subjekt politik për zgjedhjet lokale të 14 majit.
Tashmë lufta për zgjedhjet e 14 majit mes dy PD-ve po bëhet në Komisionin Qendror Zgjedhor. Sali Berisha nuk heq dorë për tu regjistruar në zgjedhje si “kryetar I PD-së”, edhe pas vendimit të Gjykatës së Apelit që nuk e njeh sit ë tillë.
Nga ana tjetër “Grupimi Basha-Alibeaj” tundin vendimin e Gjykatës së Apelit dhe bashkë me të edhe vulën e partisë. Për të zgjidhur këtë “luftë” në KQZ janë përcaktuar edhe relatorët me short. Koli Bele do të jetë relatori i kërkesës ankimore të Enkelejd Alibeajt, i cili çoi në KAS vendimin e Celibashit për mosregjistrimin e PD-së.
Strukturës ankimuese i është drejtuar edhe grupimi i Sali Berishës, i cili kërkon të regjistrojë PD-në në emër të tij, pavarësisht vendimit të Gjykatës së Apelit ku këtë të drejtë ia la Enkelejd Alibeajt.
Pas hedhjes së shortit, relator i kësaj çështjeje ra Ilirjan Rusmali dhe dy relatorët pritet të thërrasin seancën publike për të marrë edhe vendimin sa i takon ngërçit të krijuar për regjistrimin e Partisë Demokratike në zgjedhjet vendore të 14 majit.
Nëse edhe KAS lë në fuqi vendimin e marrë nga kryekomisioneri ië Komisionit Qenedror Zgjedhor, Ilirian Celibashi” atëherë situate bëhet edhe më kaotike. Ai ka kërkuar që PD-ja zyrtare që mban vulën dhe logon të paraqesë një “prokurë specifike”, ku Lulzim Basha, I cili në letra rezulton ende kryetar të shprehet se autorizon dike nga PD-ja për tu regjistruar për zgjedhjet lokale të 14 majit të këtij viti.
Prokura e mëparshme e lëshuar para një viti është konsideruar si e parregullt dhe e ppplotë nga Celibashi, duke u lënë 48 orë përfaqësuesve të PD-së zyrtare që të plotësojnë dokumentacionin. Të dyja palët dolën të pakënaqura nga qëndrimi i Celibashit dhe tashmë e kanë ankimuar vendimin në apelin zgjedhor KAS.
Nëse edhe shkalla e dytë (KAS) i qëndron këtij vendimi, atëherë PD-ja zyrtare është e detyruar të thërrasë Bashën e dorëhequr për të hedhur një firmë, në të kundërt rrezikon seriozisht mospjesëmarrjen në zgjedhjet lokale.
