Analisti Enton Abilekaj tha në emisionin “Të Paekspozuarit” se gara për zgjedhjet vendore të 14 majit do të jetë shumë e fortë në të gjitha zonat, por ai veçoi Shkodrën dhe Shqipërinë e Mesme, ku janë Tirana, Elbasani dhe Durrësi.
“Gara do të jetë shumë e fortë në të gjithë zonat. Pavarësisht se Shkodra ka votuar gjithmonë PD-në, duket se PS do ta marrë patjetër dhe po investon.
Në Shqipërinë e Mesme do të luftojnë fort për të gjitha bashkitë.
Gara për Tiranën, Elbasanin dhe Durrësin do të jetë e fortë. E patë se si u hap fushata e Tiranës sot, me festë madhështore, që duket se e kanë marrë shumë seriozisht Tiranën?
Nëse kandidon Arlind Qori, nuk është aq e lehtë që votat e majta të mos shkojnë tek ai. Nëse kandidon Rudi Erebara, mund të marrë vota të djathta.
Duhet të shohim shpalosjen e të gjithë kandidaturave”-tha Abilekaj.
