Kristaq Kume i ftuar në emisionin “Review”, e ka quajtur një katrahurë situatën e zgjedhjeve vendore të cilat do të mbahen më 14 maj 2023.
Ai tha se i quan të tilla jo për shkak të asaj që po ndodh tani, por për shkak se si janë bërë përgatitjet e këtij procesi zgjedhor, po ashtu ai shtoi se kjo “katrahurë” nuk shqetëson drejtuesit e partive politike, por vetëm qytetarin.
“Kjo katrahurë nuk shqetëson drejtuesit e partive politike te ne, ata të cilët nuk arritën të kenë dot fuqinë politike. Por si e tillë kjo situatë ka efekte goxha negative të paktën te qytetari.
Kur them katrahurë unë nuk kam parasysh atë që po ndodh në një nga subjektet zgjedhore ose te një parti, por në tërësinë e vetë se si po ngjizet dhe se si po zhvillohet ky lloj procesi këtu te ne.
I cili i vlerësuar kështu siç unë e thashë nuk është se këtë vlerësim e bëj mbi bazën e saj që aktualisht është duke ndodhur, por duke ju referuar asaj se çfarë ka ndodhur deri më tani, në përgatitjen dhe për zhvillimin e këtij procesi zgjedhor”,-tha për Euronews Albania Kristaq Kume.
