Koronavirusi ka bërë bashkë dy skuadrat rivale të përjetshme në Itali, ku pas vendimit të lojtarëve të Milan për të dhuruar një ditë nga rroga e tyre për spitalet që merren me trajtimin e personave të infektuar nga ky virus edhe zikaltërit u janë bashkuar bamirësisë në këtë situatë emergjence.
Tribuna Veriore e skuadrës së Interit përmes tifozërisë së saj të organizuar, ka nisur mbledhje fondesh përmes shoqatës jofitimprurëse “Ne Jemi Milano”, e cila prej vitesh ka si qëllim kryesor mbrojtjen e qytetarëve të Milanos.
Ndihmat financiare që do mblidhen nga Ultrasit e zikaltërve do të shkojnë në llogarinë e spitalit “Saço di Milano”.
Disa klube italiane dhe tifozëritë e tyre janë organizuar për t’u ardhur në ndihmë autoriteteve shëndetësore për përballimin situatës në të cilën ndodhet vendi i tyre./Fjala.al/
