Kreu i Partisë së Lirisë Ilir Meta ka deklaruar se ata nuk po bëjnë fushatë elektorale vetëm për të denoncuar, por dhe për të dhënë zgjidhje.
Me anë të një postimi në Facebook, Meta shkruan se fokusi i tyre është lufta kundër shpopullimit dhe të ndërtojnë një të ardhme për të rinjtë këtu në Shqipëri.
Postimi i Plotë:
Ne jemi në këtë fushatë jo thjesht për të denoncuar, por për të ofruar zgjidhje konkrete për shqiptarët. Partia e Lirisë gjithmonë është dalluar për zgjidhjet ekonomike që ofron, që mbron interesat e qytetarëve në radhë të parë, por edhe interesat e sipërmarrësve të ndershëm. Ne nuk kemi zgjedhur propagandën, por aksionet dhe zgjidhjet konkrete. Fokusi ynë ka qenë dhe mbetet lufta kundër shpopullimit dhe ne do të bëjmë gjithçka që të rinjtë tanë ta ndërtojnë të ardhmen e tyre në Shqipëri.
